Uncategorized

عندك ايه ومحتاج ايه؟!

عندك ايه ومحتاج ايه؟!

لو قولنا أن ال sales person جندي وسلاحه الأول في البيع هو مهاراته الskills وأنه لو نزل يبيع من غير ما يكون عنده المهارات كأننا بالظبط نزلنا الجندي يحارب وهو معاه مسدس مايه، اه زي ما بقولك كده وفي الآخر يغرق في شبر مايه ….

ال skills هي الأسلحة الفاعلة اللي بتساعد الsales person أنه ينجز ويحقق أهدافه …

طب يعني ايه skills ؟!
عجبني سؤالك …

ال skills هي مهارات مكتسبة بتساعدك عن طريق تطبيقها في تسهيل وإنجاز الشغل المطلوب منك بدقه وسرعه عالية .

يعني بالبلدي كده المهارات skills هي اللي بتخليك علي مقاس ال position بالظبط ، علشان كده النجاح في وظيفه أو منصب position هتشتغل فيه محتاج منك انك يكون عندك مهارات.

خليك معايا بقا علشان اللي جاي مهم
بتنقسم المهارات skills ل 3 أنواع :

1/ soft skills
2/ Hard skills
3/ Role-crtical skills
يعني ايه ؟!
بص يا باشا…

أولا : soft skills

هي المهارات اللي بتكتسبها في حياتك وعاده بتكون هي قدرتك علي التفاعل مع الجماعه والتواصل مع الآخرين .

يعني باختصار هي اللي بتخليك تعرف تتعرف علي دحيح الدفعه علشان تاخد منه الملخصات ، تقرب من مديرك علشان يمضيلك الاجازه وتروح تصيف ، أو حتي تقنع خطيبتك أن النيش مالوش لازمه .
من الآخر هي مهارات شخصية ..

ثانياً: Hard skills

ديه بقا بتكون المهارات اللي بتحصلها عن طريق الماده العلميه يعني ال knowledge اللي بتدرسها علشان تقدر تنافس في مجال معين.

يعني مهارات تقنيه بتختلف بأختلاف المجال اللي بتشتغل فيه سواء كان marketing أو sales أو حتي هندسه معماريه .

زي مجال ال sales مثلا انت محتاج انك تتعلم إزاي تسأل ..
اه زي ما بقولك كده إزاي تسأل؟!
وايه هي أنواع الأسئلة ؟
وامتي تسألها كمان ….

ثالثاً: Role-crtical skills

عاده بتكون مهارات صعبة في التَعلُم وبتيجي عن طريق الممارسه والخبرة في تخصص وظيفي معين انت بتشتغل فيه..

زي المحاسب لما يجمع أرقام بالملايين من غير اله حاسبه
او المراجع لما يعرف الغلطه فين ، أو حتي البياع لما يقولك سيبه دا مش هيشتري

ديه بقا بتخليك شخص professional يعني يوم ما يفكر ينشن لازم يصيب ….. مانت خبره بقا .

كده عرفنا يعني إيه skills ؟
وإيه هي انواعها؟

شاركنا باكثر skill نفسك تتعلمها …

#salesagy
#sales_is_what_keeps_you_alive

Leave a Reply

Your email address will not be published. Required fields are marked *